di alintana ang dilim
na unti-unting sumusuko sa liwanag;
lumalamig ang simoy ng hangin--
umaakit na ng paghimbing.
ngunit sa mandirigmang
manhid na sa antok,
ang tanging mahalaga
ay matupad ang misyon...
oras na ang lumilipas
at huling yugto na ng laban;
pintig ng puso 'y kay bilis
at mga kamay ay pawisan,
sabik nang makamit
ang tagumpay na inaasam...
subalit anong saklap
at sa isang iglap,
naunahan ng kalaban
sa kabilang upuan;
ang matagal na pagsisikap
ng magiting na mandirima
winakasan lamang ng dalawang kataga...
GAME OVER!
